...Ha ma tinint tmgharin f wada immutn gh lbarud. Ayad iga d lqa3ida gh Imazighn sg zzman amzwaru:
Sidi flan ur ifil aqrin
Iga argaz mi h’rrant turin
Iga ldjid ur ig igllin
Mr igi uday ur t id iwwin
Ar itz’alla, ar itz’z’um
Ar itsddaq lmal d waghrum
Ig ikrz yasi mat yudun
Ig izd’a yasi lbarakat nnun
Inni f wagmar yasi aznadi
Wala tadwat g illa lbarudi
Naghn wa3rabn f wamani
D Imazighn nutni a mi ts’ah’h’ani
Ddan Imazighn g id’i
Zdun i waman n ta3rid’i
Acknd wa3rabn dar wamani
Ad sswn ula d nutni ighwnani
Afn Imazghn dar wamani
Ftun wa3rabn yan s yani
Ar ixf n targa, ha akwrnini
Aha drus n waman i ighwnani
Nkrn Imazighn dfurn amani
Ar ixf n targa ur inn ufini
Afn sin wa3rabn giwrni
Dar ixf n trga wida h’d’anini
Imazighn a ur d ackn atn amzni
F waman d ad ukrn ur ts’ah’h’ani
Nnan asn Imazighn ‘manza amani’
Nnan wa3rabn ‘nukni a mi ts’ah’h’ani’
Nnan asn ‘awtu ha yagh daruni’
Nnan wa3rabn ‘han awal irxani
Tan ur tskirm dis ur as tghim!’
Munen d Imazighn gan kulu yani
Mkda ran fad ftun s awtu
Illi lbarud ih’ttan g wutu
Iffi wass, munen yisan d urjli
Ur flin ghir wad3 ikssani
Usin imnnayn kulu tadwatini
Idkurn s lbarud d igiri nnsni
Sudun s awtu fad ad h’aruni
Isnnh’urjli ku yan ma iwsidi
Kra gisn iwsi talalt d uzrgi
Wayyad’ iwsi d imgr d as mggrni
Wayyad’ iwsi d aznadi nns f ighiri
Wayyad’ talkawsut d ad usini
Wayyad’ iwsi tamskrt gh ufusi
Wayyad’ iwsi tazrwat’ f ighiri
Wayyad’iwsi d azlu d as gbbuni
Aha sudun allig rah’n awtu
Yisan s’affan awk mind urjli
Aha a3rabn munen d yisan d urjli
Maygat yan d ma iwsi gh dar sni
Kulu imnnayn n wa3rabn snnh’ni
Asin iznaditn nnsn tidwatini
Idkurn s lbarud asin d igiri
Ula tifrawin ula tasbulini
Kra g irjliyn iwsi lkabusi
Yasi d wayyad’imgi icwanini
Yasi d wayyad’ ah’ric sg ufusi
Yasi d wayyad’ a3bad h’rrfni
Awd yisan n wa3rabn s’affanimnid urjli nnsn ahyani
Bdun Imazighn nutni a izwurni
Iffughd lbarud dar yisan nnsni
Aghuln taghurdi n urjli nnsni
I t’t’af t urjli tguni gh wakali
Isawl lbarud nttan d igiri
Dar yisan n wa3rabn 3tani
Aghuln taghurdin n urjli nnsni
Iqqim d urjli gh wakal 3mmrni
Naghn irjliyn yisan bddani
Naghn kulu yiasn 3tani
N wa3rabn d ad yukrn amani
D urjli n Imazighn f wamani
Nnan d Imazighn a mi ts’ah’h’ini
Iqjr wagmar ad n flan h’rrani
Iffugh irwl srs dar i3dawni
Aha dfurn t wa3rabn mn3ni
Wutn agmar sd’rn t s igiri nnsni
Immt wagmar wutn argaz awd nttani
D wg ammas n ixf qad’an as ussani
Awin i3dawn aznadi ahyani
Ula taqrabt tadwat lbarudi
Awin tarigt d ulgamu nnsi
U djan d argaz id’r gh wakali
Allig trah’ tadggwat ngarani
Ftun wa3rabn g iski nnsni
Aghuln d Imazighn awd nutni
Rah’n tigwmma kulu yani
Argaz da immut ur d yaghuli
Ixas’a urgaz d wagmar nssi
Tftu immas ar tsawali
D ayt yisan kulu da ih’adrni
Tnna yasn ‘manza wat iwi?’
Nnan as ‘a lalla at irh’m R’bbi’
Iwi m immut ntta d wagmar nnsi
Taghul d immas tawi asn tighrsi
Ar ammas n tqbilt tghrs asi
Nnan as ‘dghikk u ma tnwati?’
Tnna yasn ‘iwi as yid ackmi’
At izargh f udm n duniti
Jm3an d arjli nnsn da iwrri
Ftun srs g id’ allig t ufani
Id’r g wakal rzan ixf nssi
Asin t irjliyn asn t s isghwani
Nnig wagmar allig ihyani
It’t’af yan g ulgamu igwdni
D’farn t wiyyad’ sg tighurdini
Awin argaz immutn suduni
Allig rah’n tigmmi sduqrni
Tffugh d immas ula arraw nssi
A mkda tz’ran tnkrtghwiwti
Awin t irjliyn s ljama3 n R’bbi
Srsn t irjliyn ur as siddani
F wada immutn iga darsni
Iga lqa3ida kulu n Imazighni
Ur as sididn mn ghir tgmmi
Ig immut yan g tgmmi siddanasi
Ah’anu iqqim wah’dut ard iffu wassi
Tnkr lahl nns ar ukan dar talla
Tktid argaz nns insa yasn gh tillas
Inint as tmgharin ‘3ib fllam
Ayad ur t yumr srs R’bbi mn ghir fllam’
Tini asnt ‘nkki a igan tagujilt
A igan warraw nu awd nutni igujiln(igigiln)’
Inint as ‘hat ilmanin ma xccay
Lmut a tga yan ur id ghir kmmin’
Imams n urgaz awd nttan ar talla
Inint as ‘kmmin a la tacibant
A iran a tfssat ili darn l3aql
Tili tz’allit abadan ghir g imi nnm’
Tinn asnt tcibant ‘nkk ad iwsin
Ddrk f ijijan ula winn n tmghart’
Inint as ‘fssa ala dghikk ad mqqurn?
Asaln awal ar ftun s tiwga’
Tini asnt ‘man asra ran ad mqqurn?
Ur ddin ad mqqurn ard rah’n babatsn’
Inint as “l3mr iga win n R’bbi
Ima l3bd ukan ghir ar its’rraf!”
Aha tfssa tcibant tigllint
Tfssa lahl n urgaz da immutn
Ar tms’afad’nt awk tmgharin
Ula tidjarin didasnt yalan
Inint as ‘3dm allah ajr kunt
Ts’brmt i lmut ad a ur ukan tallamt’
Ftunt tmgharin ar ukan sawalnt
F lmut urgaz ur at dawant
Tada igan taqs’it n urgaz immutn f lbarud gh Imazighn tkmml s l3wan n R’bbi...
Sidi flan ur ifil aqrin
Iga argaz mi h’rrant turin
Iga ldjid ur ig igllin
Mr igi uday ur t id iwwin
Ar itz’alla, ar itz’z’um
Ar itsddaq lmal d waghrum
Ig ikrz yasi mat yudun
Ig izd’a yasi lbarakat nnun
Inni f wagmar yasi aznadi
Wala tadwat g illa lbarudi
Naghn wa3rabn f wamani
D Imazighn nutni a mi ts’ah’h’ani
Ddan Imazighn g id’i
Zdun i waman n ta3rid’i
Acknd wa3rabn dar wamani
Ad sswn ula d nutni ighwnani
Afn Imazghn dar wamani
Ftun wa3rabn yan s yani
Ar ixf n targa, ha akwrnini
Aha drus n waman i ighwnani
Nkrn Imazighn dfurn amani
Ar ixf n targa ur inn ufini
Afn sin wa3rabn giwrni
Dar ixf n trga wida h’d’anini
Imazighn a ur d ackn atn amzni
F waman d ad ukrn ur ts’ah’h’ani
Nnan asn Imazighn ‘manza amani’
Nnan wa3rabn ‘nukni a mi ts’ah’h’ani’
Nnan asn ‘awtu ha yagh daruni’
Nnan wa3rabn ‘han awal irxani
Tan ur tskirm dis ur as tghim!’
Munen d Imazighn gan kulu yani
Mkda ran fad ftun s awtu
Illi lbarud ih’ttan g wutu
Iffi wass, munen yisan d urjli
Ur flin ghir wad3 ikssani
Usin imnnayn kulu tadwatini
Idkurn s lbarud d igiri nnsni
Sudun s awtu fad ad h’aruni
Isnnh’urjli ku yan ma iwsidi
Kra gisn iwsi talalt d uzrgi
Wayyad’ iwsi d imgr d as mggrni
Wayyad’ iwsi d aznadi nns f ighiri
Wayyad’ talkawsut d ad usini
Wayyad’ iwsi tamskrt gh ufusi
Wayyad’ iwsi tazrwat’ f ighiri
Wayyad’iwsi d azlu d as gbbuni
Aha sudun allig rah’n awtu
Yisan s’affan awk mind urjli
Aha a3rabn munen d yisan d urjli
Maygat yan d ma iwsi gh dar sni
Kulu imnnayn n wa3rabn snnh’ni
Asin iznaditn nnsn tidwatini
Idkurn s lbarud asin d igiri
Ula tifrawin ula tasbulini
Kra g irjliyn iwsi lkabusi
Yasi d wayyad’imgi icwanini
Yasi d wayyad’ ah’ric sg ufusi
Yasi d wayyad’ a3bad h’rrfni
Awd yisan n wa3rabn s’affanimnid urjli nnsn ahyani
Bdun Imazighn nutni a izwurni
Iffughd lbarud dar yisan nnsni
Aghuln taghurdi n urjli nnsni
I t’t’af t urjli tguni gh wakali
Isawl lbarud nttan d igiri
Dar yisan n wa3rabn 3tani
Aghuln taghurdin n urjli nnsni
Iqqim d urjli gh wakal 3mmrni
Naghn irjliyn yisan bddani
Naghn kulu yiasn 3tani
N wa3rabn d ad yukrn amani
D urjli n Imazighn f wamani
Nnan d Imazighn a mi ts’ah’h’ini
Iqjr wagmar ad n flan h’rrani
Iffugh irwl srs dar i3dawni
Aha dfurn t wa3rabn mn3ni
Wutn agmar sd’rn t s igiri nnsni
Immt wagmar wutn argaz awd nttani
D wg ammas n ixf qad’an as ussani
Awin i3dawn aznadi ahyani
Ula taqrabt tadwat lbarudi
Awin tarigt d ulgamu nnsi
U djan d argaz id’r gh wakali
Allig trah’ tadggwat ngarani
Ftun wa3rabn g iski nnsni
Aghuln d Imazighn awd nutni
Rah’n tigwmma kulu yani
Argaz da immut ur d yaghuli
Ixas’a urgaz d wagmar nssi
Tftu immas ar tsawali
D ayt yisan kulu da ih’adrni
Tnna yasn ‘manza wat iwi?’
Nnan as ‘a lalla at irh’m R’bbi’
Iwi m immut ntta d wagmar nnsi
Taghul d immas tawi asn tighrsi
Ar ammas n tqbilt tghrs asi
Nnan as ‘dghikk u ma tnwati?’
Tnna yasn ‘iwi as yid ackmi’
At izargh f udm n duniti
Jm3an d arjli nnsn da iwrri
Ftun srs g id’ allig t ufani
Id’r g wakal rzan ixf nssi
Asin t irjliyn asn t s isghwani
Nnig wagmar allig ihyani
It’t’af yan g ulgamu igwdni
D’farn t wiyyad’ sg tighurdini
Awin argaz immutn suduni
Allig rah’n tigmmi sduqrni
Tffugh d immas ula arraw nssi
A mkda tz’ran tnkrtghwiwti
Awin t irjliyn s ljama3 n R’bbi
Srsn t irjliyn ur as siddani
F wada immutn iga darsni
Iga lqa3ida kulu n Imazighni
Ur as sididn mn ghir tgmmi
Ig immut yan g tgmmi siddanasi
Ah’anu iqqim wah’dut ard iffu wassi
Tnkr lahl nns ar ukan dar talla
Tktid argaz nns insa yasn gh tillas
Inint as tmgharin ‘3ib fllam
Ayad ur t yumr srs R’bbi mn ghir fllam’
Tini asnt ‘nkki a igan tagujilt
A igan warraw nu awd nutni igujiln(igigiln)’
Inint as ‘hat ilmanin ma xccay
Lmut a tga yan ur id ghir kmmin’
Imams n urgaz awd nttan ar talla
Inint as ‘kmmin a la tacibant
A iran a tfssat ili darn l3aql
Tili tz’allit abadan ghir g imi nnm’
Tinn asnt tcibant ‘nkk ad iwsin
Ddrk f ijijan ula winn n tmghart’
Inint as ‘fssa ala dghikk ad mqqurn?
Asaln awal ar ftun s tiwga’
Tini asnt ‘man asra ran ad mqqurn?
Ur ddin ad mqqurn ard rah’n babatsn’
Inint as “l3mr iga win n R’bbi
Ima l3bd ukan ghir ar its’rraf!”
Aha tfssa tcibant tigllint
Tfssa lahl n urgaz da immutn
Ar tms’afad’nt awk tmgharin
Ula tidjarin didasnt yalan
Inint as ‘3dm allah ajr kunt
Ts’brmt i lmut ad a ur ukan tallamt’
Ftunt tmgharin ar ukan sawalnt
F lmut urgaz ur at dawant
Tada igan taqs’it n urgaz immutn f lbarud gh Imazighn tkmml s l3wan n R’bbi...