Tamedyazt Tamazight

[Agrawal]

Asirem n tedsva


Isligh ass-nnatv yullul amdan
Isligh usunet tsilatin
Adezregh ur-ufigh ghri tettvawin
Ademlegh ils nnu iskilin yenghu

Id-itven imdan ussan
Gher yutva ugregh s tmghrawin
Zunun fus nnu imligh tinnigin
maca tmedjit awal n yidi teslu

tedwl nnu am asirem tedsva
dwlegh am ilem in tawalin
ased memmek cek memmi yemla
ittigh af abrid tira n tikliwin
wekrun si-si adinan d imlun icna
d imluned awal n inzi tinnigin

asafar n attvan nnu kan tsilut
maca mi ghessegh island negh tamettvut
tsilut nnu tagherma nnu timum
a ada nnu dis yal ibucilin yal tbucilin

talji issalegh dis urwir n tufut
maca id-itven inni awerragh yummut
tkerkas di tidet kan teslum
teddrum iderghalen gherwen kan tettvawin

Yura ette: Tarwa n tmura nnes

http://www.tawalt.com/poetry_display.cfm?lg=_TZ&ID=590

 

[Agrawal]

Truyyit Ijehden

TRUYYIT IJEHDEN


Ejj-ayi ac zawareY
A zman mYar ij n umar !
CsiY dqer-nnec
D reqnadar x we3rar,
Idennad sbareY-ac
TuYa Yar-I tizammar,
Tiwyed-ay temzi
Tesiwded xaf-I tewasar.
Teggid Xaf-I yazid
Tbez3ed xaf-I afar
Tennid-as : “Kurci ynu
S tiru d tuzgart.”
Ejj-ayi ac zawareY
A zman mYar ij n umar !
********
war djjiY bu d taneqsect
re3qer-inu yemYar ,
war djiY ha d bnadem
d ucebub yenehmar :
I ra necc d bnadem
taciY day-I re3mar
a yur-inu yendah
yuza Yar-I wesqar
s z3af I akid-k zriY
ad qer3eY tisudar
ejj-ay ac zawareY
a zman Myar ij umar !
war tYimi d ametta ,
war tYimiY d ase3qar ,
ad fesyeY iseYwan
I day-i carfen zeg udar ;
Ad effYeY Yar barra ;
Abrid-inu yedhar necc d tYuyyit ijehden
Ithazan idurar ,
D tYuyyit n temYart
Yarzeun tiseqqar
Necc d isem yiziden
I zi yendeq uhenjar
Ar ami yena : “ Yemma “
Deg wawar-nnes amezwar
ejj-ayi ac-zawareY
A zman mYar ij umar
*************
D rheq xaf-i ad iniY,
S yirs-inu d azirar : necc d azyen akid-k
Di tudart a i neddar ,
necc war zzay-k tegwdeY
War dikwireY defffar ,
Ad arniY Yar zzat
Waxxa dini reswar ,
Mara dini beddu
Dini ra d aneggar
Ejj-ay ac zawareY
A zman mYar ij umar !

Nadur 5/1994
Fadma El ouariachi
YESREMD-AY WAWAR ....

 

[Agrawal]

Taqessist-inu

TAQESSIST-INU

Taqssist-inu d timessi tasemmat.
a tt-ariY x yebriden ,
war tte-tiwi rhemret
Aman war tte-sxessiyen,
A tte-carzen ifedjahen ,
War tt-ikesi usiwan
War tt-neqben ibaYriwen .
**************
Taqessist-inu !
taqessist-inu d tiwecca
It3ayanen ihenjaren ,
ad tt-zaren d yur n r3id :
Ad farhen , ad iraren
ad tt-iraren d fule3le3
S ucar deg iqwaren ;
Ad tt-iraren d qqenfuffqr
Ad tt-yevv wi tt Ya yafen
*************
Taqessist-inu !
Taqessist-inu d turjit
N wussan id Ya yassen ,
A Tt-ariY s reqrem
D wur-inu d idammen ,
A Tt-arcment tihramin
D rhenni x ifassen ,
A tt-ruccent d aman umarru
i Yesgenfan iyezzimen

Nadur , 6 / 1993
Fadma El ouariachi