Agadir, Anmuggar n TMITAR
Ussan ad illa unmuggar n umarg n TMITAR gh tmuqrant n Suss, Agadir. Llant gis trubba cwanin, tin imazighen d imadanen n berra. Rad gisen nbder : Ammuri M'bark lli gan yan gh willi izwarn s unnurZm n umussu yad nttan d trabbut nes tamaynut lligh llan yan d mraw n igamamen d sin irDDaDen lli llanin gh trabbut n TFSUT (Bouzandag d Hicham).
Ammuri ifka anza is iga yan gh inmghuren n uZawan amazigh. Kullu ma ghi-d illan is tt issusm umarg d tzrrarin lli id iga. Ixf w awal, ifulki bahra maya-n iga ma s a-n itgga yan iDaren nes.
Ad ur nettu is illa gh unnurZm itri bahra meqqurn n Reggae Jimmy Cliff lli agh-d yuckan gh tamazirt n Jamayka. Ura nettan, medden ummeren sis bahra bahra, sberreken tt zund gh illa gh tmazirt nes.
InaZuren yaDnin, ad ten ur nettu, llan ghi-d zund AKLI D lli igan amazigh n Igawawen ( Kabylia). Ura nettan, ifka i imarayen n umarg dw w awal yat twckint n talghatin nes bahra Zilnin. Isawl ma iggutn f timmuzgha d tghawsiwin yaDnin : izrfan w ufgan d ufra nger imadanen n umaDal...
Agdud, lli ghi-d izrayn tizi immimn, illa gh u Bijawan aylligh ka, ur ghid illa ma gh-n ka tggat aDar. Ilin ghid icnyalen n Tmazgha s id mraw d id mraw. Iga maya-d ghar ma gh ittuham ufgan !
Ad ur nettu is ghi-d llan TINARIWIN, tarabbut n ayt-mat-negh Imuhar, igrawalen n tizzu. Ura nettenin skern yat tmghra ifulkin bahra. Medden ar asen kkaten afus aylligh ka. Meqqar d uckan a kka Hucen i Ayt Suss d Imazighen ur ttun ad sawlen f Tifinagh d tatrijidit nesen gh tmazirt nesen. Aylli kullu tssenem, ussan ad tanbaDt n Mali ar ten sul tTTay s ukuray d uqqryal.
Tella ghi-d yat trabbut n Imazighn n Las Palmas, assagh nes Rogelio Botanz
www.rogeliobotanz.com . Tssnker takat gh ugdud lli ghi-d illan. Ar ten isgizul s mad yufa ura mad ur yufa. Imassen nesen gan 2 Igitaren, pyanu, ahjhjuj d irwas 6 imassen iqqburen n Tigzirin Tiknariyin. Yan gh igamamen n trabbut ad isawl ma iggutn f tmagit d tghansa n Imazighen n Ayt Gwanc.
Gh usrir n Unaruz llan gis inaZuren Imazighen lli akw tssenm lligh iga: Arcac Ali Chouhad, Izenzaren Chamkh, Aresmouk, Igidar d mennaw w anawen n uHwac n tmazirt negh.
Igh tram inghmisen yaDnin hati rad teni-n tafm gh uwr ad : www.festivaltimitar.com
Lahsen Oulhadj
Tanmmirt i A. Bouzendagh f tiwisi nes.
source: www.amazighworld.org
Ussan ad illa unmuggar n umarg n TMITAR gh tmuqrant n Suss, Agadir. Llant gis trubba cwanin, tin imazighen d imadanen n berra. Rad gisen nbder : Ammuri M'bark lli gan yan gh willi izwarn s unnurZm n umussu yad nttan d trabbut nes tamaynut lligh llan yan d mraw n igamamen d sin irDDaDen lli llanin gh trabbut n TFSUT (Bouzandag d Hicham).
Ammuri ifka anza is iga yan gh inmghuren n uZawan amazigh. Kullu ma ghi-d illan is tt issusm umarg d tzrrarin lli id iga. Ixf w awal, ifulki bahra maya-n iga ma s a-n itgga yan iDaren nes.
Ad ur nettu is illa gh unnurZm itri bahra meqqurn n Reggae Jimmy Cliff lli agh-d yuckan gh tamazirt n Jamayka. Ura nettan, medden ummeren sis bahra bahra, sberreken tt zund gh illa gh tmazirt nes.
InaZuren yaDnin, ad ten ur nettu, llan ghi-d zund AKLI D lli igan amazigh n Igawawen ( Kabylia). Ura nettan, ifka i imarayen n umarg dw w awal yat twckint n talghatin nes bahra Zilnin. Isawl ma iggutn f timmuzgha d tghawsiwin yaDnin : izrfan w ufgan d ufra nger imadanen n umaDal...
Agdud, lli ghi-d izrayn tizi immimn, illa gh u Bijawan aylligh ka, ur ghid illa ma gh-n ka tggat aDar. Ilin ghid icnyalen n Tmazgha s id mraw d id mraw. Iga maya-d ghar ma gh ittuham ufgan !
Ad ur nettu is ghi-d llan TINARIWIN, tarabbut n ayt-mat-negh Imuhar, igrawalen n tizzu. Ura nettenin skern yat tmghra ifulkin bahra. Medden ar asen kkaten afus aylligh ka. Meqqar d uckan a kka Hucen i Ayt Suss d Imazighen ur ttun ad sawlen f Tifinagh d tatrijidit nesen gh tmazirt nesen. Aylli kullu tssenem, ussan ad tanbaDt n Mali ar ten sul tTTay s ukuray d uqqryal.
Tella ghi-d yat trabbut n Imazighn n Las Palmas, assagh nes Rogelio Botanz
www.rogeliobotanz.com . Tssnker takat gh ugdud lli ghi-d illan. Ar ten isgizul s mad yufa ura mad ur yufa. Imassen nesen gan 2 Igitaren, pyanu, ahjhjuj d irwas 6 imassen iqqburen n Tigzirin Tiknariyin. Yan gh igamamen n trabbut ad isawl ma iggutn f tmagit d tghansa n Imazighen n Ayt Gwanc.
Gh usrir n Unaruz llan gis inaZuren Imazighen lli akw tssenm lligh iga: Arcac Ali Chouhad, Izenzaren Chamkh, Aresmouk, Igidar d mennaw w anawen n uHwac n tmazirt negh.
Igh tram inghmisen yaDnin hati rad teni-n tafm gh uwr ad : www.festivaltimitar.com
Lahsen Oulhadj
Tanmmirt i A. Bouzendagh f tiwisi nes.
source: www.amazighworld.org