Qadi Qeddur ilul deg wass n 2 Yennayer 1952, gi ddcar n Rqadiyya id yusin gi Ayt Sidar n Nadur. Zi temzi ines netta yessawal s tmaziyt x tmaziyt. Wami ya yeckukked yara taynit i yelsawen n legnus n midden, issent ilemmed itseqsa x wareq n Tmziyt n Arrif gi tmurt ines, yufit nettat d-tayujilet qqaren xes aytbab-ines qa nettat: "ur tic bu weyrum!! ur telli am te3rabt d yelsawen ig ijehden… u zid u zid". D-manaya it ya yejjen ad yesbedd tajerrumt n Tmaziyt n Arrif.
Zi yegga lbakalurya ines, issulley tusna ines gi yelsawen, issent gi tarzut tameqqrant x tsantakst n Tamaziyt. Ag usegwas n 1980 ad yedha d-aselmad gi ljami3a u Sidi Muhemmed Ben ∑ebdella gi Fas. Zi ssin ad yessemyar tarzut ines; ad yari attas x min yeqnen ya tjerrumt n tmaziyt d d wawalen d tsantakst ines. Gi 1990 iksi tanfult n Dduktura id yessewjed x ufus uselmad ines Dr Kuhen David.
Imeddukwal d iselmaden ines 3emmars ad ttun ass n Ttlata 22 zi Cutenbir 1995, Qadi ira aqat awan I ddman n ttmumubin, x ubrid n tendint n Sidi Qasem, iggur yar Fas mani tetrajan imehdaren ines. Maca din iya tesbedd laksida ussan ines i3izzen.
Yeggur d-ahudri, attas ira yars ad yewc I Tmaziyt d Imaziyen, maca yir s min d-ijja zi tira d tarzutin ad yeqqim netta d-tarekkizt n Tamezgarut n tusna d tjerrumt n Tmaziyt n Arrif. Yemmas hennu idas iselmaden-isqasen tizit n tmaziyt 3ad teddar gi Ayt Sidi ag yellis, babas iddar gi Tittawin zeg isegwasen n settin.
Zi Aghmis "Tifraz n Arrif = Les trais du Rif", Hoceima