Ufix ixf inu…zzâlx ilmma gh dârat
n MINA WADUD.
-----------------------------------------------
« Dans cet article Mona, une jeune musulmane américaine nous raconte sa participation à la première prière du vendredi dirigée par une femme. Elle a essayé de nous montrer comment elle a réussi à trouver l’équilibre entre sa foi en Dieu et la situation dramatique de la femme musulmane, après qu’elle ait fait la prière de ce vendredi derrière Amina Wadoud ».
le traducteur.
------------------------------------------------
Gh w-ass n ljam3 n ttam d mraw (18 mars 2005), lsix timlsa nu lli kullu dari xiyyirnin, ssudux gh ttâksi n lblaysê, mmaghx ad bbix imttâwn inu igh as ufix, gh ugharas inu s tzâllit ad n ljam3, lli igan tajmma3t i lmnayn n middn gh tmizar kullu n imuslmn.
Ur sul kwtix managu ad zzûlx tazâllit n ljam3 dari igwran, maccan ur ufix ad ttux tazâllit n ljam3 ad. Ittyara izd tasalmadt Mina Wadud, lli issaqran mad yiwi lislam gh tinml taxatart (1) n Lkumnuwilt gh Virjinya, nttat a igan tamghart tamzwarut lli izzûln tazâllit n ljam3 s irgazn d tmgharin.
Ssnx is nlla gh laman, lligh zêrix tugtt n id bab n uqryan (2) bddn gh imi n umsêriy lligh ra nzzâll, lli illan gh tama n yat tmzgida n irumiyn (3), lli ityawssann s San JJun. Nkka tt inn nra a nzzâll gh yat tmzgida, maccan imazzaln (4) smattin lmakan n tzâllit ad, lligh tt gisn tggallan kra n id-wacc. Ghik ann af ukan sul nksûdê mqqar ax kullu ggutn w-andâfn (5) yan s yan lligh ra nkcm s ghid lligh ra nzzâll. Imzzâllan (6) ad uckand gh tugtt n tsggiwin, ur gin ghar Ait Nyu-Yurk, illa ma-d gisn yuckan gh kalifurnya, yili mad gisn yuckan gh Jurjya, d Kantaki, d Virjinya n tagut.
Nzzûl s ma-d itggan 100 n imzzîlli, irgzn gan ma itggan mnassâ (7) nx ; illa gignx ma mu-d ttârn imttâwn, sllax i yan snat tmgharin lli gawrnin gh tama nu ar allant, ukan ar sxnfirnt s lxatêr, lligh a ttuddan Suhayla n U3ttâr. Imttâwn n yat gh tmgharin ad -lli igan ultt SSûmal- gan imttâwn n lfrH ( , ar talla tgllint s lfrH lligh nn turri s tmzgida, acku tumgharin gh tmazirt ns, ur a tnt tajjan irgazn, ad ftunt ad zzâlnt gh tmzgida.
Ur jju t inn kkix ssfldx i kra n tmghart ad tuddan. Suhayla y-ad lli yudnn ladan n ljam3 ad, ar kullu ttuddan tuja ns, mqqard ula daddas amghar (9) ikkat inn ar ituddan gh yat tmzgida gh Misr, ur iggut ma izrin.
Lligh nn tlkm Mina Wadud lmayk (10), kad lluH unfus, ghil ad rêdîx, illix gh lhna d sslamt. Acku mnckk n usggwas a yad ukan imcarrâ ixf inu d ul inu. Umnx bahra, liman (11) inu isêHa, maccan ggamix ad ccackx ul inu lli s umnx, d ixf inu lli isxwcann (12) tugtt n tghawsiwin lli izêrrâ ar tggant mggu (13) i tmgharin, lli f ffughnt tugtt n « tfsirat » n ddin n lislam lli skrn irgazn.
Ar bdda nsflid is ikfa lislam i tmgharin izrfan (14) nsnt uggar n 1400 n usggwas a yad izrin, ghaylli y-adlli ur illin gh tmizar n Uruppa gh uzmz n tasutin llasnin (15), ar nsflid ulla ma-s-d lligh tga tmghart gh Uruppa ghar lamant (16), tufa tmghart tamuslmt ad tkkus (17) d ad tettêf (1 ; maccan tayyawin n tmgharin ann n Uruppa,- lli tt inn kkanin ar ttiHsidnt timuslmin f ghaylli asnt ikfa lislam gh tasut tis ssat n tlalit n Urumi (19)-, ghil ad kigan as ufnt tumgharin ganin timuslmin.
Ghikan af nnix d ixf inu, mani da ikka ufulki ann lli-d yiwi lislam gh umzwaru ns ? Ssyafax afulki ad ard iturray lligh a ssflidx i Mina Wadud ar ttxtâb (20), ukan ar taqra mnnawt “llayyat” n lqwran lligh a isawal rêbbi s irgazn d tmgharin bla kra n usnaHya (21), ghaya nn ad yyi yiwsn bac ad imcacka ul inu d ixf inu.
Iggut mad nnan id-wac f Mina Wadud, maccan idrus ma nn ibiddn f lxtêbt ns lli fllax tskr, lligh tdêfar kullu tirsal (22) d isqqwal (23) n kra igan lkhtêbt lli ittyawskarn gh ljwami3.
Aylli nksûdê ijra sul, illa ma innan ma-s-d tazâllit ad tga dax ghar yan udm gh udmawn n kra n tnbbirat (24) lli dax salan Imarikaniyn d Isêhyuniyn(25), lli-d tasinin tumgharin ar srsnt kkatn Imuslmn ; mqqar illa f id-wac-ad, ad snn, ma-s ur nsghawsa (26) s issisfiwn n Irûmiyn ula win Udayn, bac ad ax mmalan isngiddiyn (27) gh lislam ; ghiklli nssn ula izd imik idrusn n ikabarn (2 n udayn d win irumiyn kad itajjan tamghart a tsmun tazâllit.
Tbbi tasa nu s yan mnnaw iwnnan (29), lli nnanin ma-s-d irgazn, ur ad sul smuqquln abla gh ddat n tmghart (30) igh asn tsmun tazâllit, acku nkki ar ttinix ma-s-d argaz igan amuslm ur at bahra issuHul zud kullu maya nn.
Mayad lli tskr Mina Wadud s turgza (31) ggutn, isggwrad yan un3ibar (32) lli s tt inn ikkan ixssa yadlli a yilli ghayad izrin gh dar imuslmn f ma kullu ijran gh tmgharin. Ur nzzûlla tazâllit ad bac a nsala lghyar, ngh-d a nmmal ikra n yan manik a iskar i tzâllit ns, acku kra igat tamazirt gh llan imuslmn ar gis ttntlafn (33). Gh Marikan, tugtt n icnubbucn (34) lli ttyawskarnin, ufan nn ma-s-d ddu 10 gh 100 n umuslm ad itzâllan gh tmzgadiwin, ukan i3zriyn ganin imuslmn ar kullu tfq3an (35), acku ur a nn tafan lxatêr nsn gh tmzgadiwin, ula gh dar tmsmunin (36) n imuslmn n Marikan ; ghik ann ad yiwin lligh munn kkuz imuslmn ganin imirikaniyn asggwas ad izrin skrn « Tamunt tamuslmt ult lgwddam n Marikan n Izzêlmdê » (37), fadd ad afin, ad anfn i tmsmunin an qqurnin (3 ; nkkin nit gix yat gh inbdadn (39) n tamunt ad.
Nufann ma-s-d, aylli s sghawsant tmgharin ganin timuslmin iggut, ula tmukrisin nsnt, ggutn bahra w-anawn nsnt, rad nasi timukrisin n tmghart gh Malizya, lligh aqrant tmgharin lqwran gh tlfaza, ur yadlli saswa timukrisin nsnt d tmukrisin n tmgharin lli llan-in gh tmizar (40) n w-A3rabn lli jjun ur isfldn is a taqra tmghart gh Malizya lqwran gh tlfaza ; maccan aylli kullu ismunn timizar n imuslmn, igat ma-s-d tugtt n id bu iswingimn (41) d têlba (42) ittin nn bahra f tudrt n middn n kra igatt ass (43), ur yadlli gisnt ssinn mad lhan middn.
Tumgharin ghassad gant tixatarin n tmizar (44), lkmnt ula ignwan, ghik ann af illa f willi iwznin f tghawsiwin n ddin, ad ghar sul ur ghaman gh gar iswingimn lli skrnin gh tmgharin ghar tighwrrafin n ulaghu (45). Ghik-ad ad tra Mina Wadud a t tml i ku-yan, lligh tsmun tazâllit n ljam3 i irgazn ula tumgharin. (…) .
Gh isiggwra, rad inix ma-s-d ass n ljam3, lli igan 18 gh w-ayyur n mars, iga yan w-ass izîln (46) gh tudrt inu.
Amawal/ le vocabulaire :
1- tinml taxatart : l’université
2- id bab n uqryan : les forces de l’ordre
3- timzgida n irumiyn : l’église
4- imazzaln : les organisateurs
5- andâfn : les gardiens
6- imzzâllan : les gens qui ont fait la prière
7- mnassâ : la moitié
8- imttâwn n lfrH : les larmes de joie
9- dadda-s amghar : son grand père
10- lmayk : le microphone
11- liman : la foi
12- isxwcann : dénonce
13- ar tggant mggu : ce qui lèse les femmes ; portent atteinte à la dignité de la femme.
14- izrfan : droits
15- tasutin llasnin : le Moyen-آge (la période médiévale).
16- lamant : objet
17- a tkkus : droit à l’héritage
18- a tettêf : droit à la propriété
19- tasutt tis sat : 7ème siècle
20- ar txtâb : elle prêche
21- asnahya : sans discrimination
22- tirsal : les fondements
23- isqqwal : les normes
24- ttnbirat : complots
25- isêhyuniyn : sionistes
26- ur nsghawsa : on n’a pas besoin de
27- isngiddiyn : l’esprit égalitaire
28- ikabarn : les communautés
29- iwnnan : paroles, déclarations
30- ddat n tmghart : le corps de la femme
31- s turgza : avec bravoure
32- an3ibar : la polémique
33- ttntlafn : sont perdus
34- icnubbucn : études de terrain
35- tfq3an : ces jeunes ne supportent plus
36- timsmunin : associations
37- Tamunt tamuslmt ultt lgwddam n Marikan n Izzêlmdê : union islamique progressiste de l’Amérique du Nord.
38- timsmunin qqurnin : associations conservatrices.
39- inbdadn : responsables
40- timizar : pays
41- id bu iswingimn : les penseurs
42- têlba : les religieux
43- tudrt n middn n kra igatt ass : la vie quotidienne des gens.
44- tixatarin n tmizar : dirigeantes de pays
45- tighwrrafin n ulaghu : les boîtes de sperme
46- ass izîln : un grand jour.
-------------------------------------------------
Tura-tt : Mona El Tahawy
Asharq Al-Awsat, n° : 6916, 27 mars 2005.
Irrur-tt s tmazight : Oubrik Ahmed
Email : oubrik@msn.com
n MINA WADUD.
-----------------------------------------------
« Dans cet article Mona, une jeune musulmane américaine nous raconte sa participation à la première prière du vendredi dirigée par une femme. Elle a essayé de nous montrer comment elle a réussi à trouver l’équilibre entre sa foi en Dieu et la situation dramatique de la femme musulmane, après qu’elle ait fait la prière de ce vendredi derrière Amina Wadoud ».
le traducteur.
------------------------------------------------
Gh w-ass n ljam3 n ttam d mraw (18 mars 2005), lsix timlsa nu lli kullu dari xiyyirnin, ssudux gh ttâksi n lblaysê, mmaghx ad bbix imttâwn inu igh as ufix, gh ugharas inu s tzâllit ad n ljam3, lli igan tajmma3t i lmnayn n middn gh tmizar kullu n imuslmn.
Ur sul kwtix managu ad zzûlx tazâllit n ljam3 dari igwran, maccan ur ufix ad ttux tazâllit n ljam3 ad. Ittyara izd tasalmadt Mina Wadud, lli issaqran mad yiwi lislam gh tinml taxatart (1) n Lkumnuwilt gh Virjinya, nttat a igan tamghart tamzwarut lli izzûln tazâllit n ljam3 s irgazn d tmgharin.
Ssnx is nlla gh laman, lligh zêrix tugtt n id bab n uqryan (2) bddn gh imi n umsêriy lligh ra nzzâll, lli illan gh tama n yat tmzgida n irumiyn (3), lli ityawssann s San JJun. Nkka tt inn nra a nzzâll gh yat tmzgida, maccan imazzaln (4) smattin lmakan n tzâllit ad, lligh tt gisn tggallan kra n id-wacc. Ghik ann af ukan sul nksûdê mqqar ax kullu ggutn w-andâfn (5) yan s yan lligh ra nkcm s ghid lligh ra nzzâll. Imzzâllan (6) ad uckand gh tugtt n tsggiwin, ur gin ghar Ait Nyu-Yurk, illa ma-d gisn yuckan gh kalifurnya, yili mad gisn yuckan gh Jurjya, d Kantaki, d Virjinya n tagut.
Nzzûl s ma-d itggan 100 n imzzîlli, irgzn gan ma itggan mnassâ (7) nx ; illa gignx ma mu-d ttârn imttâwn, sllax i yan snat tmgharin lli gawrnin gh tama nu ar allant, ukan ar sxnfirnt s lxatêr, lligh a ttuddan Suhayla n U3ttâr. Imttâwn n yat gh tmgharin ad -lli igan ultt SSûmal- gan imttâwn n lfrH ( , ar talla tgllint s lfrH lligh nn turri s tmzgida, acku tumgharin gh tmazirt ns, ur a tnt tajjan irgazn, ad ftunt ad zzâlnt gh tmzgida.
Ur jju t inn kkix ssfldx i kra n tmghart ad tuddan. Suhayla y-ad lli yudnn ladan n ljam3 ad, ar kullu ttuddan tuja ns, mqqard ula daddas amghar (9) ikkat inn ar ituddan gh yat tmzgida gh Misr, ur iggut ma izrin.
Lligh nn tlkm Mina Wadud lmayk (10), kad lluH unfus, ghil ad rêdîx, illix gh lhna d sslamt. Acku mnckk n usggwas a yad ukan imcarrâ ixf inu d ul inu. Umnx bahra, liman (11) inu isêHa, maccan ggamix ad ccackx ul inu lli s umnx, d ixf inu lli isxwcann (12) tugtt n tghawsiwin lli izêrrâ ar tggant mggu (13) i tmgharin, lli f ffughnt tugtt n « tfsirat » n ddin n lislam lli skrn irgazn.
Ar bdda nsflid is ikfa lislam i tmgharin izrfan (14) nsnt uggar n 1400 n usggwas a yad izrin, ghaylli y-adlli ur illin gh tmizar n Uruppa gh uzmz n tasutin llasnin (15), ar nsflid ulla ma-s-d lligh tga tmghart gh Uruppa ghar lamant (16), tufa tmghart tamuslmt ad tkkus (17) d ad tettêf (1 ; maccan tayyawin n tmgharin ann n Uruppa,- lli tt inn kkanin ar ttiHsidnt timuslmin f ghaylli asnt ikfa lislam gh tasut tis ssat n tlalit n Urumi (19)-, ghil ad kigan as ufnt tumgharin ganin timuslmin.
Ghikan af nnix d ixf inu, mani da ikka ufulki ann lli-d yiwi lislam gh umzwaru ns ? Ssyafax afulki ad ard iturray lligh a ssflidx i Mina Wadud ar ttxtâb (20), ukan ar taqra mnnawt “llayyat” n lqwran lligh a isawal rêbbi s irgazn d tmgharin bla kra n usnaHya (21), ghaya nn ad yyi yiwsn bac ad imcacka ul inu d ixf inu.
Iggut mad nnan id-wac f Mina Wadud, maccan idrus ma nn ibiddn f lxtêbt ns lli fllax tskr, lligh tdêfar kullu tirsal (22) d isqqwal (23) n kra igan lkhtêbt lli ittyawskarn gh ljwami3.
Aylli nksûdê ijra sul, illa ma innan ma-s-d tazâllit ad tga dax ghar yan udm gh udmawn n kra n tnbbirat (24) lli dax salan Imarikaniyn d Isêhyuniyn(25), lli-d tasinin tumgharin ar srsnt kkatn Imuslmn ; mqqar illa f id-wac-ad, ad snn, ma-s ur nsghawsa (26) s issisfiwn n Irûmiyn ula win Udayn, bac ad ax mmalan isngiddiyn (27) gh lislam ; ghiklli nssn ula izd imik idrusn n ikabarn (2 n udayn d win irumiyn kad itajjan tamghart a tsmun tazâllit.
Tbbi tasa nu s yan mnnaw iwnnan (29), lli nnanin ma-s-d irgazn, ur ad sul smuqquln abla gh ddat n tmghart (30) igh asn tsmun tazâllit, acku nkki ar ttinix ma-s-d argaz igan amuslm ur at bahra issuHul zud kullu maya nn.
Mayad lli tskr Mina Wadud s turgza (31) ggutn, isggwrad yan un3ibar (32) lli s tt inn ikkan ixssa yadlli a yilli ghayad izrin gh dar imuslmn f ma kullu ijran gh tmgharin. Ur nzzûlla tazâllit ad bac a nsala lghyar, ngh-d a nmmal ikra n yan manik a iskar i tzâllit ns, acku kra igat tamazirt gh llan imuslmn ar gis ttntlafn (33). Gh Marikan, tugtt n icnubbucn (34) lli ttyawskarnin, ufan nn ma-s-d ddu 10 gh 100 n umuslm ad itzâllan gh tmzgadiwin, ukan i3zriyn ganin imuslmn ar kullu tfq3an (35), acku ur a nn tafan lxatêr nsn gh tmzgadiwin, ula gh dar tmsmunin (36) n imuslmn n Marikan ; ghik ann ad yiwin lligh munn kkuz imuslmn ganin imirikaniyn asggwas ad izrin skrn « Tamunt tamuslmt ult lgwddam n Marikan n Izzêlmdê » (37), fadd ad afin, ad anfn i tmsmunin an qqurnin (3 ; nkkin nit gix yat gh inbdadn (39) n tamunt ad.
Nufann ma-s-d, aylli s sghawsant tmgharin ganin timuslmin iggut, ula tmukrisin nsnt, ggutn bahra w-anawn nsnt, rad nasi timukrisin n tmghart gh Malizya, lligh aqrant tmgharin lqwran gh tlfaza, ur yadlli saswa timukrisin nsnt d tmukrisin n tmgharin lli llan-in gh tmizar (40) n w-A3rabn lli jjun ur isfldn is a taqra tmghart gh Malizya lqwran gh tlfaza ; maccan aylli kullu ismunn timizar n imuslmn, igat ma-s-d tugtt n id bu iswingimn (41) d têlba (42) ittin nn bahra f tudrt n middn n kra igatt ass (43), ur yadlli gisnt ssinn mad lhan middn.
Tumgharin ghassad gant tixatarin n tmizar (44), lkmnt ula ignwan, ghik ann af illa f willi iwznin f tghawsiwin n ddin, ad ghar sul ur ghaman gh gar iswingimn lli skrnin gh tmgharin ghar tighwrrafin n ulaghu (45). Ghik-ad ad tra Mina Wadud a t tml i ku-yan, lligh tsmun tazâllit n ljam3 i irgazn ula tumgharin. (…) .
Gh isiggwra, rad inix ma-s-d ass n ljam3, lli igan 18 gh w-ayyur n mars, iga yan w-ass izîln (46) gh tudrt inu.
Amawal/ le vocabulaire :
1- tinml taxatart : l’université
2- id bab n uqryan : les forces de l’ordre
3- timzgida n irumiyn : l’église
4- imazzaln : les organisateurs
5- andâfn : les gardiens
6- imzzâllan : les gens qui ont fait la prière
7- mnassâ : la moitié
8- imttâwn n lfrH : les larmes de joie
9- dadda-s amghar : son grand père
10- lmayk : le microphone
11- liman : la foi
12- isxwcann : dénonce
13- ar tggant mggu : ce qui lèse les femmes ; portent atteinte à la dignité de la femme.
14- izrfan : droits
15- tasutin llasnin : le Moyen-آge (la période médiévale).
16- lamant : objet
17- a tkkus : droit à l’héritage
18- a tettêf : droit à la propriété
19- tasutt tis sat : 7ème siècle
20- ar txtâb : elle prêche
21- asnahya : sans discrimination
22- tirsal : les fondements
23- isqqwal : les normes
24- ttnbirat : complots
25- isêhyuniyn : sionistes
26- ur nsghawsa : on n’a pas besoin de
27- isngiddiyn : l’esprit égalitaire
28- ikabarn : les communautés
29- iwnnan : paroles, déclarations
30- ddat n tmghart : le corps de la femme
31- s turgza : avec bravoure
32- an3ibar : la polémique
33- ttntlafn : sont perdus
34- icnubbucn : études de terrain
35- tfq3an : ces jeunes ne supportent plus
36- timsmunin : associations
37- Tamunt tamuslmt ultt lgwddam n Marikan n Izzêlmdê : union islamique progressiste de l’Amérique du Nord.
38- timsmunin qqurnin : associations conservatrices.
39- inbdadn : responsables
40- timizar : pays
41- id bu iswingimn : les penseurs
42- têlba : les religieux
43- tudrt n middn n kra igatt ass : la vie quotidienne des gens.
44- tixatarin n tmizar : dirigeantes de pays
45- tighwrrafin n ulaghu : les boîtes de sperme
46- ass izîln : un grand jour.
-------------------------------------------------
Tura-tt : Mona El Tahawy
Asharq Al-Awsat, n° : 6916, 27 mars 2005.
Irrur-tt s tmazight : Oubrik Ahmed
Email : oubrik@msn.com