Aslmd n tillas
Ur izri ayd iggutn llig tcca tmurt ngh mnnaw imariqqn (gifles) sqqaqnin dar yan ulmmas amadlan n usidn (recensement), yan umariqq xf uswir n izddar llig d tlla gr tmura zldnin (pays pauvres) n umadal g ubaraz n tdamsa (économie), wiss sin g ubaraz n taddalt (sport) llig ur tzmr ad nn tkks amya g tghnnant n tqqbbuct n ifriqqya (éliminations du coupe d 'Afrique), wiss krad g ubaraz n uslmd. Willi ganin inamurn n tidt, (les vrais citoyens) ijdr tn aya nn g ugns. Max manwa iran ad ittannay tamurt ns lli ifkan inmghurn d ttnmghurin g irgazn d tutmin, tkk tt inn ar tsndudi amadal g umzruy ns? Manwa iran ad ittannay tamurt ad tdda ad tslm akal?!
Illa g inghmasn (journalistes) wid innan llig ittrza uslmd rad yadlli ittrz mad t idfarn, ghzann willi nnanin aya d, acku aslmd iga tuska (construction) n ufgan, igh ittrza ufgan ur ad sar tili kra n tnflit ula kra n ubughlu (progrès) g tmurt. Mac mad irzan aslmd g tmurt ngh? Rzan t willi gis ksudnin ad asn d yall afgan lli isfawn, ur ad asn sul yili g ufus ig ismg nsn ar sis skarn aylli ran. Man imiss s rzan aslmd? Tugtt n imssann lli swingimnin i uskka n tmazirt ad msasan is d tasrtit n usзrrb (arabisation) ad igan imiss lli s ittiyrza uslmd g tmurt ngh.
Llan middn lli t innan g uzmz ann sul, llig hra itthiyal ukabar n tillas -lli akk ssnn middn- ad issnti asзrrb, iga g imssann an igllin n Benhima inna akud: Ha wid ran s tmurt ngh agdi! D hat ur tn issihl imal n tmazirt. Mac argaz ann ur nn sis idul yan, aylli immaln is ur igi usзrrb dar ukabar ann ghas tiddas iga t llig d willi mmaghnin ad yili usзrrb xf trwa n ughrf amrruki, sslmdn nttni i tarwa nsn tutlayin ddrnin lli nbdnin g umadal, zund tafransist d tnglizt.
S mk ann tarwa nsn ufan tawuri g Umrruk n wass ad, tarwa n ughrf ghaman ar ttlulluyn, ar sbbaqqayn ixfawn nsn, ngh nn ukin d ilaln ad rwln s tmizar n « ikafriyn » lli s asn ttini tinml ngh nuftn, acku nkkni nga imuslmn d waзrabn lli yufn middn akk! nttni gan willi jlanin agharas! Awttas g usзrrb iga t dar middn ann ad nn sittin iswingimn lli usint tutlayin n urubba, zund izrfan n ufgan, d tdimukrasit, d tmnnawt, d timmasghft (relativité). Acku timidranin (concepts) ad zdarnt ad sgrawlnt afgan skrnt gis yan yadn. Ilmma ittuwstay asзrrb, acku nttan rad yajj tarwa ngh rad nn bdda smuqquln s idgam, idgam n waзrabn lli bdda iznzrn, yuf ass ad yuf askka.
Amukris lli d idrn xf inbbadn ngh iga t llig asn ran tarwa ngh idgam ann allig akk fllas nufln, ar akk fllas ttmmtatn, gn afna n ku taghawsa iziln, acku ur tt yadlli skrn ayt zikk lli bahra ghusnin, lli akk ufnin mad izrin d ma rad d sul yack. Mamk s rad stt dagh fsin inbbadn ngh? Wad ad igan asqqsi ig tazziyt n wangha!
Agadir ass n 28-02-2008
akunad.com
Ur izri ayd iggutn llig tcca tmurt ngh mnnaw imariqqn (gifles) sqqaqnin dar yan ulmmas amadlan n usidn (recensement), yan umariqq xf uswir n izddar llig d tlla gr tmura zldnin (pays pauvres) n umadal g ubaraz n tdamsa (économie), wiss sin g ubaraz n taddalt (sport) llig ur tzmr ad nn tkks amya g tghnnant n tqqbbuct n ifriqqya (éliminations du coupe d 'Afrique), wiss krad g ubaraz n uslmd. Willi ganin inamurn n tidt, (les vrais citoyens) ijdr tn aya nn g ugns. Max manwa iran ad ittannay tamurt ns lli ifkan inmghurn d ttnmghurin g irgazn d tutmin, tkk tt inn ar tsndudi amadal g umzruy ns? Manwa iran ad ittannay tamurt ad tdda ad tslm akal?!
Illa g inghmasn (journalistes) wid innan llig ittrza uslmd rad yadlli ittrz mad t idfarn, ghzann willi nnanin aya d, acku aslmd iga tuska (construction) n ufgan, igh ittrza ufgan ur ad sar tili kra n tnflit ula kra n ubughlu (progrès) g tmurt. Mac mad irzan aslmd g tmurt ngh? Rzan t willi gis ksudnin ad asn d yall afgan lli isfawn, ur ad asn sul yili g ufus ig ismg nsn ar sis skarn aylli ran. Man imiss s rzan aslmd? Tugtt n imssann lli swingimnin i uskka n tmazirt ad msasan is d tasrtit n usзrrb (arabisation) ad igan imiss lli s ittiyrza uslmd g tmurt ngh.
Llan middn lli t innan g uzmz ann sul, llig hra itthiyal ukabar n tillas -lli akk ssnn middn- ad issnti asзrrb, iga g imssann an igllin n Benhima inna akud: Ha wid ran s tmurt ngh agdi! D hat ur tn issihl imal n tmazirt. Mac argaz ann ur nn sis idul yan, aylli immaln is ur igi usзrrb dar ukabar ann ghas tiddas iga t llig d willi mmaghnin ad yili usзrrb xf trwa n ughrf amrruki, sslmdn nttni i tarwa nsn tutlayin ddrnin lli nbdnin g umadal, zund tafransist d tnglizt.
S mk ann tarwa nsn ufan tawuri g Umrruk n wass ad, tarwa n ughrf ghaman ar ttlulluyn, ar sbbaqqayn ixfawn nsn, ngh nn ukin d ilaln ad rwln s tmizar n « ikafriyn » lli s asn ttini tinml ngh nuftn, acku nkkni nga imuslmn d waзrabn lli yufn middn akk! nttni gan willi jlanin agharas! Awttas g usзrrb iga t dar middn ann ad nn sittin iswingimn lli usint tutlayin n urubba, zund izrfan n ufgan, d tdimukrasit, d tmnnawt, d timmasghft (relativité). Acku timidranin (concepts) ad zdarnt ad sgrawlnt afgan skrnt gis yan yadn. Ilmma ittuwstay asзrrb, acku nttan rad yajj tarwa ngh rad nn bdda smuqquln s idgam, idgam n waзrabn lli bdda iznzrn, yuf ass ad yuf askka.
Amukris lli d idrn xf inbbadn ngh iga t llig asn ran tarwa ngh idgam ann allig akk fllas nufln, ar akk fllas ttmmtatn, gn afna n ku taghawsa iziln, acku ur tt yadlli skrn ayt zikk lli bahra ghusnin, lli akk ufnin mad izrin d ma rad d sul yack. Mamk s rad stt dagh fsin inbbadn ngh? Wad ad igan asqqsi ig tazziyt n wangha!
Agadir ass n 28-02-2008
akunad.com