argania spinoza

[ahmef]

mastnam hamass wargan

 

[yafelman1]

+ anaw ad n waddagn ur illa amr gh lmghrib gh dern, souss d iffus nes. yili yan wanaw yDnin irwas-t gh lmexique macc ur a ittaru.
+ llan 4 n lmeliun n waddag ad gh tmazirt negh
+ iZDar ad idder ar 300 n isuggwasn d uggar
+ tighzi n iZuran nes gh ddu n wakal ar tlkkem smmust twal tiddi nes gh iggi nes
+ igh laH anZar iZDar ad isul ar smmus isuggwasn bla yat timqqit n waman, mamenk? ar itluwwaH ifrawn nes arkigh d ighama amr asghar, yili gh yat lHalt ur idder ula immut. add ukan iDr unZar sigh dagh iddr zund igh t inn ur ikka yat. ghemkan as idder anaw ad n wadagn gh tamzirt negh zegh 40 meliun n isuggwasn.

[ Edité par yafelman1 le 12/11/2005 1:24 ]

 

[yafelman1]

+ igh ur illa unZar yuda-t ghar tagut ar gis issummum aman
+ mlad urd argan ur ad yiZDir ufgan ad idder gh idraren n dern maxx? midden Htajjan argan f mnnawt tghawsiwin:

1- tayyuga: imik n wakal lli ifka Rebbi gh idraren ar-t kkerzn midden. macc ma yumzn akal ad-t ur yawi angi d unZar amr argan s iZuran nes? ma imla ghmkad, ghilli gh kkisn midden argan ur ad sul gis ittghama wakal..

2- mlad ur illa wargan ur ad ilin aghaDn -> ur ad tili taDuD, akfay, tifiyyi, iqariDn..ddu n wargan agh ad bahra ttemghi tuga acku iZuran nes ar ttamZn aman gh wakal, igh ur tella tuga ar aqqwlayn s iggi nes ar cttan ifrawn nes.

3- argan ar-d ittawi i midden iqariDn: ar gerrun aqqayn nes skern gisn zzit mad cettan ula mad zzenzan.

4- mlad ur d argan irad mettn midden s uSemmiD acku nettan as a sserghan takat gh tagerst.