Tigzirin Tiknariyin d tmazight
Llig ssidmrgh i tittrt (invitation) n tmsmunt Oussinissa lli igan yat g tmsmunin lli kkatnin xf (défendre) tmagit tamazight n Tgzirin Tiknariyin skrgh yan ummuddu s yat g tgzirin ad lli ganin sat, ggwizgh nn nik g Tinirifi lli igan yat tgzirt ixatrn gr tgzirin ann, llant gis snat tmdinin: Santa Kruz d Laguna, myaznt bahra, azddugh inw illa g Laguna, tarzzift inw (ma visite) ur tkki uggar n sa n ussan, mac s twisi n igumamn (membres) n Oussinissa zmrgh ad skrgh tiwuriwin ggutnin g yat tizi idrusn, (tlla yat tanadt (rapport) ittyra s tspanyulit xf aya d g tansa ad nit).
S usnnubgi (hospitalité) iziln n imghnasn ad syafagh zund igh llig g darngh, slawan ak llig tn inn ufigh usin anzgum amazigh, ndra t qah ngh, nttni duyn d infrak d tnfrak gisn afn d inghuba (disparaitre) aylli igan intti n tmust (tamagit) tamazight; tutlayt tamazight zg tasut tiss sat d mrawt ad izrin, ur sul ighama kra ur igin imik n tmatarin timazighin lli zdinin d wakal, d udmawn n tussna, zund kra n tiram, d tmlsa d kra g insayn, d tnaghiwin (mélodies) n izlan…
Aya nn lli d ighaman, ngh d ighama d ar ass ad, ila atig iggutn dar imghnasn imazighn, mac tlla darsn yat tayri isqqaqn i ku mad igan amazigh, slawan akw tutlayt, lli xf mmaghn ad tt lmdn s tgharast n lantirnit, Di nn, tutlayt tamazight slahn tt isppunya s takat d uqqryan,g uzmz llig d kcmn s tgzirin ann g tgira n tasut tiss kuzt d mrawt, mac ar ttinin nttni ur zmrn isppunya ad d udfn s tmurt allig yad disn mdaddan imazighn tighzi n tmidi n isggasn, d llig disn yad llan kra n igldan imazighn lli zznzanin tamagit nsn s watig ibarxn, tizi llig mmutn igldan yadn g ubaraz n imnghi, ilin willi nghanin ixfawn nsn llig ssnn is ttrzan.
Ufigh nn dar tmghnasin d imghnasn ayt Kanarya yan ufrak isisn s umzruy n tmurt d tmyurin d igldan d umiyn lli fllasn ittuwnnan, zund Oussinissa lli t inn ikkan iga agllid n tgzirt n « Girru » , azru s tmazight.
G Tigzirin Tiknariyin, llig sul ur tlli tmazight g tilawt tla dar imghnasn d tmghnasin atig ixatrn, ar bdda siggiln ad issnta uslmd ns g tsdawiyin, mac g tmurt ngh llig sul tddr tmazight, ur tssihl tarwa ns!, ar akw ttinin mmaghn fllas, mac ggumin ad as awsn ad tg g tutlayin n tussna n uzmz ad, igh rad aran, da ttaran s tin wiyad lli tn inqqan azur s uzur.
Man akud rad frkn imazighn d tmazighin is ur rad tili tmagit tamazight igh ur tlli tutlayt tamazight?
Agadir ass n 24-12-2008
soure: Akunad -Site officiel-
Llig ssidmrgh i tittrt (invitation) n tmsmunt Oussinissa lli igan yat g tmsmunin lli kkatnin xf (défendre) tmagit tamazight n Tgzirin Tiknariyin skrgh yan ummuddu s yat g tgzirin ad lli ganin sat, ggwizgh nn nik g Tinirifi lli igan yat tgzirt ixatrn gr tgzirin ann, llant gis snat tmdinin: Santa Kruz d Laguna, myaznt bahra, azddugh inw illa g Laguna, tarzzift inw (ma visite) ur tkki uggar n sa n ussan, mac s twisi n igumamn (membres) n Oussinissa zmrgh ad skrgh tiwuriwin ggutnin g yat tizi idrusn, (tlla yat tanadt (rapport) ittyra s tspanyulit xf aya d g tansa ad nit).
S usnnubgi (hospitalité) iziln n imghnasn ad syafagh zund igh llig g darngh, slawan ak llig tn inn ufigh usin anzgum amazigh, ndra t qah ngh, nttni duyn d infrak d tnfrak gisn afn d inghuba (disparaitre) aylli igan intti n tmust (tamagit) tamazight; tutlayt tamazight zg tasut tiss sat d mrawt ad izrin, ur sul ighama kra ur igin imik n tmatarin timazighin lli zdinin d wakal, d udmawn n tussna, zund kra n tiram, d tmlsa d kra g insayn, d tnaghiwin (mélodies) n izlan…
Aya nn lli d ighaman, ngh d ighama d ar ass ad, ila atig iggutn dar imghnasn imazighn, mac tlla darsn yat tayri isqqaqn i ku mad igan amazigh, slawan akw tutlayt, lli xf mmaghn ad tt lmdn s tgharast n lantirnit, Di nn, tutlayt tamazight slahn tt isppunya s takat d uqqryan,g uzmz llig d kcmn s tgzirin ann g tgira n tasut tiss kuzt d mrawt, mac ar ttinin nttni ur zmrn isppunya ad d udfn s tmurt allig yad disn mdaddan imazighn tighzi n tmidi n isggasn, d llig disn yad llan kra n igldan imazighn lli zznzanin tamagit nsn s watig ibarxn, tizi llig mmutn igldan yadn g ubaraz n imnghi, ilin willi nghanin ixfawn nsn llig ssnn is ttrzan.
Ufigh nn dar tmghnasin d imghnasn ayt Kanarya yan ufrak isisn s umzruy n tmurt d tmyurin d igldan d umiyn lli fllasn ittuwnnan, zund Oussinissa lli t inn ikkan iga agllid n tgzirt n « Girru » , azru s tmazight.
G Tigzirin Tiknariyin, llig sul ur tlli tmazight g tilawt tla dar imghnasn d tmghnasin atig ixatrn, ar bdda siggiln ad issnta uslmd ns g tsdawiyin, mac g tmurt ngh llig sul tddr tmazight, ur tssihl tarwa ns!, ar akw ttinin mmaghn fllas, mac ggumin ad as awsn ad tg g tutlayin n tussna n uzmz ad, igh rad aran, da ttaran s tin wiyad lli tn inqqan azur s uzur.
Man akud rad frkn imazighn d tmazighin is ur rad tili tmagit tamazight igh ur tlli tutlayt tamazight?
Agadir ass n 24-12-2008
soure: Akunad -Site officiel-