Amarg Akdim,sidi Hemmu TTaleb

[Aglawo]

IrHemk a sidi Hemmu TTaleb inna igellin

bismi llah as-a yadda Ttaleb asin-d lqelm

ar ilemma addern ig°erramen d willi Adelnin

gan-d igadren ayetmaten gh wiss sa igenwan

lekemn-d ukan akal beDun aHHram ayga TTemA

yan f iqedder mulana mawriri Sbern as

laylaha illa llah lequdra zund arraw

ibakD it negh ikucem tasa ur aten zzeraynet

aH int ayemmi gigh inighi nger taccebarin

ur girgh ghid ula ghid rreSaS igdi nit

makk righ a gar isetta mad righ tigri nnun

utin gikk ifalan bbinin willi zdinin

bismi llah a Resul llah is righ ad sawelgh

awal gh ur illi ddenb ula ra-kk gis irgem ccreA

manza za walli innan aDen at akk dawagh

zayd ukan imma isemummuyen ur akk dawan

igh-k ur idawa Rebbi Ttaleb ur akk dawan

nekki tawla a ggigi illan ar gigi tteberrun

awer ittini yan ugergh medden ula ugern-agh

ig argaz igan lemeskin awer issugt awal

adrar ur ikhaleD yan igh°eli a ggis g°emmern

ikhef inu mad ak innan ur gis izem akk icc

a ckergh i sidi Rebbi tazzewit attega Titt

ur-a TTar amer f ujeddig negh yan irDa wul

a lbari teAala qeddemgh-nn srek udem llal

lalla faTima d reqqeyya d zaybana d keltum

 

[Aghrabi]

T-as raison,c-un lègendare,un ukdim n lbaroud agga wenna

 

[boumarg]

ir hmk a sidi hamou talb ina igalin ak ori srbh rabi a tamaa is na gara bnadam tdwaya a monadt iga trinn sgu wi ssa aguinwann lak mind akal bd dwin ahrami ayga tmaa!!!akori srbh rabi assif is nagara issafinn dwamann ighnit orili ras laain ich ka bahra siif!!!